རྣམ་དབྱེ་ བརྒྱད།
༡༽ རྣམ་དབྱེ་དང་པ་ངོ་བོ་ཙམ་སྟོན་པ།
ཅ་ལ་ཨིན་རུང་ ཡང་ན་ མི་ཨིན་རུང་ ག་ཅི་ར་ཨིན་རུང་
འདི་ཨཱ་ནི་ཨིནམ་སྦེ་ཟེར་བའི་ ངོས་འཛིན་འབད་ཚུགསཔ་ཙམ་ཅིག་གི་ མིང་ཙམ་ཅིག་མ་གཏོགས་
འདི་གི་ཁྱད་ཆོས་དང་ཁྱད་ཚིག་ཚུ་ ག་ནི་ཡང་མ་སྟོན་མི་ ཚིག་ཅིག་ལུ་ངོ་བོ་ཙམ་སྟོན་པ་ཟེར་སླབ་ཨིན།
དཔེར་ན།
རྡོ་རྗེ། སྤ་རོ། དབྱངས་ཅན་ཕུག་སློབ་གྲྦ། རོ་ཁྱི། ནགས་ཚལ།
ཨམ་སྲུ། ཕོ་སྐྱེས། ཟེར་ ངོས་འཛིན་འབད་ཚུགས་ནི་གི་དོན་ལུ་ མིང་ཙམ་ཅིག་ བརྗོད་པའི་བརྗོད་ཐངས་ཅིག་ལུ་
རྣམ་དབྱེ་དང་པ་ངོ་བོ་ཙམ་སྟོན་པ་ཟེར་སླབ་ཨིན།
༢༽ རྣམ་དབྱེ་གཉིས་པ་ལས་སུ་བྱ་བ།
བྱ་བའི་ཡུལ་གི་སྟེང་ལུ་ བྱེད་པ་པོ་ཅིག་གི་
བྱ་བ་ཅིག་འབདཝ་འབད་ སྟོན་མི་ཚིག་གི་སླབ་ཐངས་ཅིག་ལུ་ རྣམ་དབྱེ་གཉིས་པ་ལས་སུ་བྱ་བ་ཟེར་སླབ་ཨིན།
ལས་སུ་བྱ་བ་ལུ་ བྱེད་པ་པོ། བྱ་བའི་ཡུལ། བྱ་བ།
གསུམ་དགོཔ་ཨིན། ཡང་ཅིན་ བྱེད་པ་པོ་མེད་རུང་ བྱ་བའི་ཡུལ་གྱི་སྟེང་ལུ་
བྱ་བ་ཅིག་འབད་འབདཝ་དགོཔ་ཨིན།
འདི་ལུ་ནང་གསེས་ཀྱི་དབྱེ་བ།
· ༡. ལས་སུ་བྱ་བའི་རྣམ་དབྱེ།
ལས་སུ་བྱ་བ་ལུ་ ཕྲད་ཡང་ན་རྐྱེན་ ན། ར། ལུ། གུ།
བཞི་འཇུགཔ་ཨིན།
ང་བཅས་རྫོང་ཁ་ངག་བཤད་དང་འཁྲིལཝ་ད་ བྱ་བའི་ཡུལ་གྱི་སྟེང་ལུ་ བྱ་བ་ཅིག་འབདཝ་འབད་ སྟོན་མི་འདི་ ཕྲད་ ན།ར།ལུ།གུ། བཞིཔོ་གི་སྟོནམ་ཨིན།
དཔེར་ན།
ཕྱི་ཁར་སོང། ཁྲོམ་ཁར་སོང།
|
|
· ༢.ཡུལ་ལས་དབྱེར་མེད་ཀྱི་རྣམ་དབྱེ།
བྱ་བ་དང་བྱ་བའི་ཡུལ་དེ་ནི་ སོ་སོ་འབད་ དབྱེ་བ་ཕྱེ་མ་ཚུགས་མི་ལུ་ སླབ་ཨིན། ཡང་ན་ བྱ་བའི་ཡུལ་དང་ལས་གཉིས་དབྱེ་བ་ཕྱེ་མ་ཚུགས་པའི་ ཚིག་གི་སླབ་ཐངས་ཅིག་ལུ་ བྱ་ལས་དབྱེར་མེད་ཀྱི་རྣམ་དབྱེ་ཟེར་སླབ་ཨིན།
བྱ་ལས་དབྱེར་མེད་ཀྱི་ཕྲད་ ར་ དང་ ལུ་ གཉིསཔོ་ཨིན།
དཔེར་ན།
ཤིང་སེར་པོར་གྱུར། བུམོ་མཁའ་འགྲོ་མར་གྱུར། ཨོམ་ལུ་གྱུར།
༣༽ རྣམ་དབྱེ་གསུམ་པ་བྱེད་པ་པོ།
ལཱ་འབད་མི་འདི་ལུ་ བྱེད་པ་པོ་ཟེར་སླབ་ཨིན།
ལཱ་ག་གི་འབད་འབདཝ་ཨིན་ན་ བྱ་བ་ག་གི་འབད་འབདཝ་ཨིན་ན་ སྟོན་མི་
གང་ཟག་ཨིན་རུང་དངོས་པོ་ཨིན་རུང་ ཨ་ནི་ཨིན་ཟེར་མི་ལུ་སླབ་ཨིན།
བྱེད་པ་པོ་སྟོན་མི་རྣམ་དབྱེ་གི་སྐབས་ལུ་ བྱེད་པ་པོ་
གང་ཟག་ཡང་ན་ དངོས་པོ་གི་འབད་མི་ བྱ་ཚིག་ཀཅིག་དགོཔ་ཨིན།
བྱེད་པ་པོ་དང་བྱ་ཚིག་གི་བར་ན་
འབྲེལ་བ་འདི་ ག་གི་བཟོཝ་སྨོ་ཟེར་བ་ཅིན་ བྱེད་པ་པོ་གི་སྒྲ་གི་བཟོཝ་ཨིན།
བྱེད་པ་པོ་གི་ཕྲད།
ཀྱིས། གྱིས། གིས།
བྱེད་པ་པོ་གི་ནང་གསེས་ཀྱི་དབྱེ་བ།
བྱེད་པ་པོ་གཙོ་བོ། - སྟག་གི་མཆོངས་ ཟེར་དོ་བཟུམ་ ལཱ་འབད་མི་གཙོ་བོ་
༼སྟག།༽ སྟོན་མི་ལུ་སླབ་ཨིན།
བྱེད་པ་པོ་ཕལ་པ། - སྨན་གྱི་ཕན་ ཟེར་དོ་བཟུམ་ ལཱ་འབད་མི་རང་མེན་པར་
གཞན་ལུ་བརྟེན་དགོཔ་ལས་བྱེད་པ་པོ་ཕལ་པ་ཟེར་སླབ་ཨིན།
རང་བཞིན་བྱེད་པ་པོ། - འདམ་གྱི་གང་ ཟེར་དོ་བཟུམ་
བྱ་བ་ཅིག་རང་བཞིན་འབད་འབྱུང་མི་ལུ་ རང་བཞིན་བྱེད་པ་པོ་ཟེར་སླབ་ཨིན།
༤༽ རྣམ་དབྱེ་བཞི་པ་དགོས་ཆད།
བྱེད་པ་པོ་ལུ་ཕན་ཐོགས་བའི་ ལཱ་ཅིག་འབདཝ་འབད སྟོན་མི་ལུ་
རྣམ་དབྱེ་བཞི་པ་དགོས་ཆད།
དགོས་ཆད་ཀྱི་ཕྲད།
ར། ལ། གུ།
དཔེར་ན། དབང་ཞུ་བར་འགྱོ་དེས། ལཱ་འཚོལ་བར་སོང།
|
ཕྲད། |
དཔེར་བརྗོད། |
|
ར |
དབང་ཞུ་བར་འགྱོ་དེས། |
|
ལུ། |
སེམས་ཅན་ལུ་སྦྱིན་པ་གཏང་། |
|
གུ། |
མིག་ཏོ་གུ་མིག་ཤེལ་བཙུགས། |
༥༽ རྣམ་དབྱེ་ལྔ་པ་འབྱུང་ཁུངས།
དངོས་པོ་ཅིག་འབྱུང་སའི་ གཞི་ག་སྟེ་ཨིན་ན་ སྟོན་མི་ལུ་ རྣམ་དབྱེ་ལྔ་པ་འབྱུང་ཁུངས་ཟེར་སླབ་ཨིན།
འབྱུང་ཁུངས་ཀྱི་ཕྲད། ༼ལས༽
འབྱུང་ཁུངས་ཀྱི་དབྱེ་བ།
༡༽ འབྱུང་ཁུངས་ཀྱི་དངོས།
དཔེར་ན། མེ་ལས་དུ་པ།
༢༽ འབྱུང་ཁུངས་ཆ་འདྲཝ།
དཔེར་ན། ཤིང་ལས་བྱ།
༣༽ རྒྱུ་མཚན།
དཔེར་ན། ལཱ་འབདཝ་ལས་གླ་འཐོབ།
༤༽ འདྲན་བསྡུར།
༥༽ དུད་སྒྲ།
༦༽ རྣམ་དབྱེ་དྲུག་པ་འབྲེལ་བ།
འབྲེལ་སྒྲ་ཟེར་མི་འདི་ གང་ཟག་དང་དངོས་པོ་ཚུ་གི་བར་ན་ འབྲེལ་ བ་སྟོན་པའི་ཚིག་ཅིག་ལུ་སླབཔ་ཨིན།
ཕྲད: ཀྱི། གི། གྱི། འི། ཡི།
ཀྱི: ད། བ། ས། ག། ང།
གྱི: ན། མ། ར།
འི: འ་དང་མཐའ་མེད་ཀྱི་རྗེས་སུ་
ཡི: ཚིག་ཁ་སྐོང་དགོཔ་ད
དབྱེ་བ: ངོ་བོ་བདག་ གཅིག དེ་ལས་དེ་འབྱུང་། རྟེན་དང་བརྟེན་པ། ཡན་ལག་དང་ཡན་ ལག་ཅན། ཁྱད་གཞི་དང་ཁྱད་ཆོས། ནོར་དང་བདག་པོ་བཅས་དྲུག་ ཡོད།
དཔེར་ན།
དཔེར་བརྗོད།
༡. ངོ་བོ་བདག་གཅིག
དཔེ: དུང་གི་བུམ་པ།
༢ དེ་ལས་དེ་འབྱང་།
དཔེ: དཔོན་གྱི་གསོལ་ར།
༣. རྟེན་དང་བརྟེན་པ།
དཔེ: ཐབ་ཀྱི་མེ།
༤. ཡན་ལག་དང་ཡན་ ལག་ཅན།
དཔེ: བྱང་ཆུབ་སེམས་དཔའ་ གི་ཕྱག
༥. ཁྱད་གཞི་དང་ཁྱད་ ཆོས།
དཔེ: ཤེལ་གྱི་འོད།
༦. ནོར་དང་བདག་པོ།
དཔེ: ཁོ་གི་རྒྱུ་ནོར།
མཐའ་མེད་ཁ་ མ་སྐོང་བ།
འི: མོའི་རྒྱན་ཆ
ཡི: ཕོ་ཡི་གྱོན་ཆས
༧ ༽ བདུན་པ་གནས་གཞི།
ནང་གསེས་ཀྱི་དབྱེ་བ: ཡུལ་གྱི་ གཞི་ལ་གནས་པར་སྟོན་པ། དུས་ཀྱི་གཞི་ལ་གནས་པ།
ཡུལ་གྱི་གནས་གཞི་ལུ་ ཕྲད་ ན། ར། ལུ། གུ།
དུས་ཀྱི་གནས་གཞི་ལུ་ ན། ར། ལུ།
དཔེར་བརྗོད།
༡. ཡུལ་གྱི་གནས་གཞི།
དཔེ: ལྷ་ཁང་ནང་ན་སྐུ་ཡོད།
གྱང་གི་རྩ་བར་ཀླུ་ཁང་ཡོད།
ཐིམ་ཕུག་ལུ་མི་སྣ་ཚོགས་
ཤིང་གུ་བྱ་ཆགས་ནུག
༢. དུས་ཀྱི་གནས་གཞི།
དཔེ: མོ་མ་ལྷོད་བར་ན་བསྒུག་ གནང་།
གནམ་སོ་ཁར་ཤིང་གི་འདབ་ མ་བུད་འོང་།
ཚེས་བཅོ་ལྔ་ལུ་དཀར་མེ་ཕུལ།
༨༽ བརྒྱད་པ་བོད་སྒྲ།
བོད་སྒྲ་ཟེར་མི་འདི་ གང་ཟག་མཆོག་དམན་འབྲིང་གསུམ་ག་ར་ འབོ་ རུང་ མིང་གི་ཐོག་མཐའ་དང་ ཚིག་གི་ཐོག་མཐའ་བར་གསུམ་ལུ་སྦྱར་བའི་ཚིག་ཅིག་ལུ་སླབཔ་ཨིན།
དབྱེ་བ: གང་ཟག་ལུ་ཐོབ་པའི་ བོད་སྒྲ། ལས་ཚིག་ལུ་ཐོབ་པའི་སེམས་ཚོར་སྟོན་པའི་སྒྲ།
ཕྲད/འབོད་སྒྲའི་ཚིག: ཀྱེ། ཆིད་ ཆིད། དབའི། ཨའུ། ཁོ་རེ། ཀྭའི། སྤ། སྤའོ། ཛའི། ཨའོ།
དཔེར་བརྗོད།
ཀྱེ། ལྟོ་ཚང་ཡི་གུ་འདི་ནཱ་ གཏང་ཞིག
ཆིད་ཆིད། ནཱ་ཤོག་ཞིག
དབའི། ཁྱོད་ག་ཅི་འབདཝ།
ཨའུ། ཁྱོད་ག་ཏེ་འགྱོ་ནི་སྨོ།
ཁོ་རེ། དེ་སྦེ་ར་འདི་མི་བཏུབཔ་འོང་།
ཀྭ་ཡེ། སྣང་ས་འོད་འབུམ།
སྤ། ལེགས་མི་ལེགས།
སྤའོ། འཇའ་བས་སྨ་རེ།
ཛའི། འདྲོག་པས་སྨ་རེ།
ཨའོ། དེ་འདི་བཞགཔ་ དྲག་འོང།
Comments
Post a Comment